Unha nova fotografía do poeta Gonzalo López Abente

(Premer na imaxe para agrandar o tamaño)
A Fundación Gonzalo López Abente, da que fago parte, ten entre as súas funcións recuperarmos textos e documentación do poeta muxián. Desta volta trátase dunha fotografía do vate con familiares e amigos nunha romaría de campo. Viki Rivadulla, secretaria da Fundación, fíxonos chegar esta foto coa anotación de que xa saíu publicada nun programa das Festas de San Roque no ano 2008, porén nesta altura aínda descoñecemos a autoría (talvez Ramón Caamaño?) e a data da mesma, así como o nome das persoas que o acompañan. Será outro labor de todos nós para o inmediato futuro. No entanto, unha imaxe máis que enriquece a galería fotográfica do noso benquerido Poeta.