O Seminario de Estudos Comarcais da Costa da Morte (Semescom) está a preparar unha viaxe ao norte da Bretaña e ao sur de Normandía

(Le Mont-Saint-Michel vu du ciel en 2011. http://www.projetmontsaintmichel.tv/site/)
O Seminario de Estudos Comarcais da Costa da Morte (Semescom), que preside Xosé María Lema Suárez e do que fago parte, está a preparar unha viaxe ao norte da Bretaña e ao sur de Normandía. Vai ser entre os días 21 e 28 de agosto, seis xornadas en autobús (e en ferry entre Xixón e Saint Nazaire) para descubrirmos lugares como o dolmen de La Roche aux Fées, a abadía de Le Mont Saint Michel ou cabo La Hague. Como informa a edición comarcal de La Voz de Galicia, as e os interesados poden facer xa a súa inscrición e recibir máis información enviando un correo electrónico a mreylemat@terra.es o chamando ao teléfono 609 523 494.
Velaquí o programa previsto a priori:
VIAXE A NORMANDÍA E NORTE DA BRETAÑA
1. DATAS:
Finalmente á data maioritariamente elixida foi a data C (do 20 o 26 de agosto), data que xa viña sendo a habitual. polo que se comezou a traballar na organización da viaxe de cara a esta opción.
Como seguramente moitos de vós sabedes existe un ferry que realiza a travesía desde Xixón ata St. Nazaire (na Bretaña francesa) tres días á semana. Para que o traxecto en autobús non se fixese tan longo, informámonos sobre esta opción (que tamén permite continuar a viaxe mentres se pasa noite nos camarotes e adiantar tempo). Isto fixo variar uns días as datas fixadas previamente, pois a estas alturas xa non hai prazas para saír o día 19 de agosto. Actualmente temos reservadas 40 prazas no ferry para embarcar no ferry en Xixón o martes 21 de agosto e volver a coller o ferry de regreso o luns 27 do mesmo mes. Polo tanto a viaxe quedaría do seguinte xeito.
Saída o martes 21 de agosto pola mañá no autobús para embarcar no ferry en Xixón pola tarde (inicio da travesía ás 21 horas).
Chegada a St, Nazaire ás 12 horas do mércores 22.
Visitas por terras bretoas e normandas entre os días 22 e 27 de agosto (5 noites de hotel en réxime de media pensión -almorzo e cea-)
Embarque en St. Nazaire (volta) o día 27 ás 21 horas
Chegada a Xixón o martes 28 ás 12 do mediodía, e volta en autobús á casa.
2. Durante os días polas terra bretoas e normandas visitaranse:
1.Dolmen de La Roche-aux-Fées
-monumental galería megalítica cuberta
2. Dinan
. cidade antiga moi ben conservada (praza e rúa “des Cordeliers”, Basílica de San Salvador, igrexa de St. Malo, Torre do reloxo, estatua ecuestre do cabaleiro medieval Beltrand Du Guesclin)
3. Saint-Malo
.cidade fortificada situada nunha illa da costa
. berce de navegantes (Jacques Cartier, séc. XVI, explorador do Canadá) e de corsarios (René de Duguay-Trouin (séc. XVIII), Robert Surcouf (séc. XIX), e mesmo de escritores (Chateaubriand, séc. XVIII-XIX).
-moi ben conservada dentro e fóra das murallas (reconstruída tras a II Guerra mundial a partir de fotografías).
5. Abadía de Le-Mont-St. Michel
. o 1º sitio turístico de Normandía (3 millóns de visitantes ó ano)
– monumento histórico desde 1862
-declarado Patrimonio da Humanidade pola UNCESCO en 1979.
-abadía bieita fundada no ano 966
-catedral de Notre-Dame-sous-Terre.
-igrexa parroquial ed San Pedro.
-escultura de san Miguel matando o demo na parte superior da agulla da abadía.
-o fenómeno das mareas vivas da zona.
6. Granville
-antigo porto (porto corsario tamén).
-barcos para as Illas Anglo-normanda.
7. Cabo La Hague
-a fisterra normanda
– o 2º punto de visitas despois de Le –Mont-St. Michel.
-faro de La Goury
-lista de naufraxios neste cabo.
-centro de interpretación comarcal de Le Tourp.
8. Cherboug-Octeville
-a cidade máis próxima ó cabo La Hague (como A Coruña para Fisterra).
-porto comercial e militar (base de submarinos)
-filme “Os paraugas de Cherburgo” (1964).
9. Barfleur
-típica vila mariñeira normanda, cunha igrexa románica moi hermética.
-faro de moita altura.
10. Algúns lugares significativos do desembarque de Normadía (6 xuño 1944)
-igrexa de Saint-Mère-Église (o paracaidista colgado do campanario)
-as praias do desembarque (nomes clave: Utah-Omaha-Gold-Juno-Sword)
-visita á Pointe d’Hoc (o lugar máis cruento na guerra) – algún cemiterio colectivo dos caídos (o americano, p.e.) – algún centro de interpretación do desembarque.
11. Bayeux
-catedral románico-gótica.
-tapiz de Bayeux: marabillosa obra artística románica do séc. XI, na que se narra en viñetas a conquista de Inglaterra por Guillelmo o Conquistador no ano 1066 (preparativos da invasión: construción dos barcos, preparación dos víveres…; escenas da batalla de Hastings, coroación do duque como rei de Inglaterra etc.).
12. Caen
-castelo do Duque de Normandía, Guillelmo o Conquistador (naceu aquí).
-abadías románicas dos Homes e das Damas, a cada lado da cidade (unha construída por Guillelmo o Conquistador e a outra pola súa esposa Matilde de Flandres).
-cidade destruída polos bombardeos da II Guerra Mundial (e reconstruída).
-Museo Memorial da Paz (sobre as guerras do séc. XX).
-Memorial do Desembarque de Normandía (dedicado ó día D).
Outras visitas posibles (dependendo do tempo):
1. Nantes
2. Rennes
3. Fougères
4. Dinard
3. PREZO
Aínda nos falta por confirmar os prezos dos hoteis, mais facendo un cálculo aproximado cos presupostos que temos ata o momento, podemos adiantarvos que etamos intentando que o custe da viaxe non chegue aos 900,€. No prezo inclúese a viaxe en autobús, a travesía no ferry (camarotes cuádruples) e 5 noites en hotel en réxime demedia pensión (almorzo e cea). Non se inclúe comidas e bebidas no ferry.
4. NOTA IMPORTANTE
Só nos reservan as prazas do ferry durante 10 días, polo que é necesario confirmar canto antes a viaxe. Os interesados confirmade o antes posible a vosa inscrición e darásevos un número de conta onde facer un primeiro ingreso que confirme a reserva.