Estrea das partituras creadas por Miguel Brotóns sobre o meu soneto «Negación de Ulises e Teseo»

(Premer dúas veces nas imaxes para unha mellor lectura)
O vindeiro sábado 15 de decembro vaise producir a estrea das partituras musicais creadas polo compositor Miguel Brotóns sobre o meu soneto «Negación de Ulises e Teseo», do libro Equinoccio de primavera (Esquío, 1998), que xa reproducimos nesta bitácora e que fan parte do libro Dezaseis cancións para voz e piano editado polo propio Consello da Cultura Galega en colaboración coa Asociación Galega de Compositores, dentro dos actos que conmemoraban o XXV aniversario desta agrupación.
Malfadadamente outras obrigas non me permitirán a presenza nese concerto conxunto da FAIC coa Asociación Galega de Compositores que terá lugar ás 20,00 horas no auditorio da Escola de Música e Artes Escénicas de Ourense (rúa da Canle nº 4. 32004 – Ourense).
Será un concerto de voz (Teresa Novoa, soprano, e Iria Cuevas, mezzosoprano), acompañadas ao piano por Alejo Amoedo. E velaquí o programa do concerto que tamén inclúe outras estreas:
Primeira parte
Iria Cuevas, mezzosoprano; Alejo Amoedo, pianista
Durme meu neno*. Letra: Esther López Castro. Música: Juan Pérez Berná.
Vella sombra que se incéndia no verso*. Letra: Miguel Anxo Fernán-Vello. Música: Paulino Pereiro.
Sola. Letra: Anna D´Ax. Música: Domènec González de la Rubia.
Haikus a Avelina*. Letra: Román Raña. Música: Gloria Rodríguez Gil.
Dos canciones Leonesas: I. La flor del romero. II. No se va la paloma. Letra: popular. Música: Jesús Ángel Rodríguez Recio.
Campanas de Bastabales*. Letra: Rosalía de Castro. Música: Manuel Alejandre Prada.
Si fueras un crisantemo. Letra: Antonio Carvajal. Música: Antón García Abril.
Segunda parte
Teresa Novoa, soprano; Alejo Amoedo, pianista
Oigo fuera la lluvia. Letra: Antonio Carvajal. Música: Antón García Abril.
Es la tierra de Soria. Letra: Antonio Machado. Música: Jesús Ángel Rodríguez Recio.
Negación de Ulises e Teseo*. Letra: Miro Villar. Música: Miguel Brotóns.
Hai unha voz*. Letra: Luz Pozo Garza. Música: Gabriel Bussi.
Bagoíña de nena*. Letra: Enríque Jiménez. Música: Carlos Cambeiro.
MariNana. Letra: Julio Montero. Música: Julio Montero.
En Cornes*. Letra: Rosalía de Castro.Música: Octavio Vázquez.
O mar*. Letra: Manuel Leiras Pulpeiro. Música: Margarita Viso Soto.
*Estreas