As crebas, dúas breves recensións

(Premer na imaxe para unha mellor lectura)
Achego hoxe dúas breves recensións do poemario As crebas. A primeira, que asina o xornalista Xosé Ameixeiras, publicouse o pasado 9 de xullo no suplemento “Culturas” de La Voz de Galicia. Por razóns que descoñezo o devandito suplemento non se pode ler na rede, así que tamén podedes atopar ese artigo neste pdf. Ameixeiras remata a súa recensión con estas palabras: “É un poemario con visitas aos vellos mitos. Como en Equinoccio de primavera, Miro volve a Penélope, que nos dous casos «tece e destece», agora as fábulas mariñas. Ou as aventuras xuvenís, como as de Moby Dick. Aínda así, non é un poemario de derrota. «Recordar sempre doe…» pero «respiras ben profundo, cómpre saír á vida». É de esperanza”.
Por parte, souben por un amigo doutra brevísima recensión que se pode ler aquí, no blogue do poeta noiés Manuel Lopes Rodrigues, autor do libro Antítese nativa.