Unha historia en verso da cidade de Lisboa para crianzas

(Premer nas imaxes para agrandar o tamaño da capa e da contracapa)
A crítica literaria especializada en literatura infanto-xuvenil, Rita Pimenta, reproduce no seu blogue letrapequena unha recensión, publicada antes na páxina Crianças do diario portugués Público (sábado, dia 28 de Abril), dunha fermosa guía da cidade de Lisboa elaborada para crianzas, intitulada Lisboa, Princesa do Tejo e do Mar (Edição Quidnovi), con textos de Gilda Nunes Barata e ilustracións de Ana Afonso. Velaquí o seu comentario:
«Um livro sobre Lisboa, sobre o Tejo e sobre Portugal. Porque não se pode contar a história da cidade sem incluir o rio que a desenha e o país que a governa. Gilda Nunes Barata escolheu uma forma poética de nos dar a conhecer Lisboa, mas manteve-se rigorosa nos factos. Apoiou-se num guião do historiador José Manuel Garcia, personificou a cidade e pô-la a falar directamente com os leitores. “(…) Vou contar um pouco do muito de mim, momentos importantes da minha história na história de outros, na história de cidades feitas de ruas, casas, pedras vivas que não me deixam esquecer a História Universal onde cabe a História de um país chamado Portugal (…)” A narrativa começa pelo castelo de S. Jorge, “minha primeira casa de nascença”, e divide-se em vários capítulos: Das origens à chegada das relíquias de São Vicente; De 1173 à vitória de D. João I; De 1385 à chegada de Filipe I de Portugal; De 1581 ao terramoto e, por último, De 1807 até agora. Da origem da palavra “Olisipo” até à Expo-98, Lisboa, Princesa do Tejo e do Mar toca os acontecimentos mais marcantes da vida da cidade, os felizes e os infelizes. Sem exaltações nem dramatismos excessivos. Na ilustração, Ana Afonso consegue criar um ambiente onírico que joga bem com o tom das palavras, sem no entanto deixar de representar os locais e os momentos emblemáticos referidos no texto. Um trabalho que vai para além da narrativa, dando-lhe novos sentidos. E é isso que se espera de um livro ilustrado. Pena que a capa não traduza a qualidade das imagens que se encontram no interior da obra».
Alén de me resultar unha idea fermosa, e complicada por escoller a forma poética, ao ler na recensión “A narrativa começa pelo castelo de S. Jorge”, isto fíxome lembrar que este lugar tamén aparece na miña creación literaria, en concreto na miña «opera prima» (que fai vinte anos de publicación, malia xa estar escrita dous anos antes). Así é, o sonetario Ausencias pretéritas (Espiral Maior, 1992) inclúe na súa última parte, das seis que compoñen o libro, unha serie de dez sonetos baixo o encabezamento «De ti e das cidades». Poucos libros de meu non falan dalgunha viaxe. E velaquí o soneto que dá cabo a esa serie e tamén ao libro, no que salientei os topónimos:
X
Nos zapatos furados os grixos de Lisboa
entraron con cobiza de me producir bochas,
dese xeito o meu soño derrancou polas rochas
no medio de picores, comechón que afervoa.
Castelo de São Jorge, no relembro da avoa
que fixera a subida calzada con galochas,
foi como espreitar mares ou como escavar fochas
pois quen non viu Lisboa xa non viu cousa boa.
Co apetito fartado na beleza do entorno,
os camiños tortuosos e apretados da Alfama
supuxeron o acougo tépedo dos sentidos.
Non quixen por máis tempo soñar no teu retorno
nin teño outro argumento que estenda máis a trama
dun libro de sonetos alegres e doridos.