Fotografías do acto de conmemoración do 126 pasamento de Rosalía de Castro

Na primeira fotografía os poetas Marilar Aleixandre, Francisco “Chisco” Fernández Naval, Chus Pato, Xosé Vázquez Pintor e eu propio (nesa altura aínda non chegara Vicente Araguas que se habia incorporar máis tarde). O “reporteiro gráfico”, que me fixo chegar varias imaxes do acto e que desta volta non interveu na lectura, foi o tamén poeta Xesús Rábade Paredes.
Na segunda fotografía realizo a lectura do poema “Saudades” (da que xa dei conta aquí nesta casa), coa atenta ollada das autoridades académicas e políticas, agás o novo alcalde de Santiago de Compostela, Gerardo Conde Roa, que estivo ido durante toda a xornada, non só na miña lectura. E iso que eu non son meu irmán Rafa Villar, concelleiro nacionalista que lle fai oposición ao seu “labor” de goberno na cámara municipal.