Rebelión na charca, ecos da súa publicación


Algúns medios fixéronse eco da publicación do conto infantil Rebelión na charca (Sotelo Blanco, 2012) que xa está nas librarías e que distribúe o Consorcio Editorial Galego. Tal e como xa contei: En síntese, a historia sucede nunha charca na fin da terra onde ras, sapos e píntegas pasan o día a xogar coma trasnos rebuldeiros. Porén, o sapo corredor ou corriqueiro, o máis fachendoso e presumido, e o sapo cunqueiro, o máis vaidoso, teñen moi mal perder. O conto é unha fábula sobre a prepotencia, a soberbia e os abusos do poder e, por suposto, procura ensinanza e ten final feliz.
No pdf superior reproduzo a nova na edición comarcal en papel do xornal La Voz de Galicia.
Polo de agora, tamén se fixeron eco El Correo Gallego e as seguintes publicacións dixitais:
A páxina da AELG (Asociación de Escritores/as en Lingua Galega).
O repositorio poesiagalega.org.
O dixital quepasanacosta.
Obrigado, moitas grazas a todos eles por contribuíren á difusión deste conto.

Esta entrada foi publicada en Contos, Infantil, Poesía. Garda a ligazón permanente.